Mauleko auzapez Mixel Etxebest Ikastolen Etxean izan da, gaur, Ikastolen Elkartearekin haurren aisialdirako proiektu bat hitzartzeko. Asmoa da Bidasoaren bi aldeetako haurrek elkar ezagutu eta elkarrekin udako egun batzuk igarotzeko aisialdi programa bat Aurrera eramatea, Maulen. Zuberoako hiriburuko herriko etxeak bi aterpetxe dauzka, Agerri eta Iribarne, eta azpiegitura horiek erabiltzeko aukera eskaini dio Ikastolen Elkarteari.
Aspaldiko ezaguna da Argitxo gure artean. Gure haurrek pertsonaia kuttun dute, eta arreta eta zirraraz jarraitzen dituzte, ipuinez ipuin, Argitxoren ibiliak eta balentriak. Datorren udazken-negurako abentura berriak prestatzen ari gara. Asmoa lau ipuin liburu argitaratzea da, baina berrikuntza handi batekin: lau horietatik bi asmatzea ikastoletako DBHko ikasleen esku jarri nahi dugu.
Ikastolen hezkuntza ereduaz interesatuta, Gironako Unibertsitateko Pedagogia Fakultateko ikasle eta irakasle talde batek bisita egin du gaur goizean Ikastolen Etxera. Ikasleen etapa desberdinetako pedagogia programak, konpetentzietan oinarritutako EKI proiektua, eleanitz programa eta ikastolen beste hainbat ezaugarriren berri jaso nahi zuten, eta jaso dute, EHIko zuzendari nagusiaren, arduradun pedagogikoaren eta etapa eta programa bakoitzeko arduradunen eskutik.
‘Euskara da Euskal Herri’ kanta egin dute auzolanean Altsasuko Iñigo Aritza ikastolak eta Txioka haur ikastolak
Auzolanean, horrela osatu dute Euskara da Euskal Herri kanta Altsasuko Iñigo Aritza ikastolak eta Txioka haur ikastolak. Kanta egin, grabatu eta kantaren gainean bideo bat grabatu dute. Hemen dituzue kantaren letra, kanta bera eta bideoklipa.
Euskal Curriculuma garatzen ari den honetan, maiz, honakoa errepikatu ohi da: “Paperean jartzea agian ez da hain erreza, baina gero hau guztia geletara, praktikara eramatea askozaz ere zailagoa da!!! Nola gauzatuko ote dugu???”.
Gorputz Heziketako irakasleei zuzendutako prestakuntzaren bidez, Euskal Curriculumean Gorputz Heziketaren inguruan egiten den proposamenen inguruko formazioa eskaini nahi dugu.
Formazioak bibentziala, teorikoak eta praktikoak dira.
Bakoitzaren eta denon arrakasta xede. Hezkuntzan bata bestea elkarERAGITEN.
Iazko EHI-ren Jardunaldi Pedagogikoen 25. edizioan BIZI IZANDAKO “loraldatzeen” argia eta zabaldutako bidea jarraitzeak aurtengo 25+1=26JP-en atarira ekarri gaitu. Bat gehiago, eta hogeita bosti gehituta, hogeita seigarrena. Bai, halaxe da: nondik gatozen ahaztu gabe, nora goazen (eta nola) erronkari begira harrapatuko gaituzte aurtengo jardunaldiak ere.
“Kulturarik gabe ez dago herririk eta jolas eta jokorik gabe ez dago kulturarik”
Errentagarritasunaren izenean egungo bizitza ereduak jolasetik urruntzen gaituen arren, pertsonon garapena, bizitza, pertsonen arteko komunikazioa, harremana eta izadiarekiko hartu-emana askea izan dadin, jolasa ezinbestekoa da.
Bizi jolasean, beraz, izan aske eta bizi norbere bizitza momentua biziz jolasarekin!
Ikastola Aldizkaria gure aldizkaria da. Ikastolen ahotsa, boza, komunikazioa zabaltzen duena. Familia eta gizartea informatzea du xede 1991z geroztik. Urterik urte, errealitateari so eginez, berrikuntzatara egokitu gara.
Badira zenbait urte, paperezko edizioaz gainera, aldizkaria edizio digitalean ere eskuragarri dagoela, pdf artxiboen bitartez. Teknologia berriak aprobetxatuta, aldizkaria, ikastoletara eta ikastoletako familien etxeetara bezala, Euskal Herriko herritar guzien eskura ere jarri dugu.
Hainbat ikastarotako fitxategiak igotzeko, partekatzeko eta bertako galderen joan etorria elikatzeko tresna dugu hau. Modu errazean besteekin lanak eta iritziak trukatzeko eta interesgarriak gerta daitezken estekak ipintzeko erabiltzen dugu, baina, bereziki, emailea den taldearekin komunikazio zuzena ziurtatzen digu.
