EUSKADIKO INGURUMEN HEZKUNTZAKO XXIV. TOPAKETAK

Euskadiko Ingurumen Hezkuntzako XXIV. Topaketak egin dira Bilboko "Juan Crisóstomo de Arriaga" musika kontserbatorioan. Hiru ikastetxe izan ziren gonbidatuak, horien artean Elgoibar Ikastola.

Topaketa hauen helburuak honakoak dira: jasangarritasuna bultzatzeko sareen garrantziaz hausnarketa egitea eta Eskola Agenda 21 proiektuan diharduten irakasleek eta erakundeek elkar topatzeko aukera izatea.
Esparru bat IRAES sareari utzi diote eta, horren aurkezpena egiteko, gure ikastetxeko ALAITZ ALMORTZA eta HASIER BADIOLA izan dira bertan. Besteak beste, IRAES zer den, nola antolatzen diren, zer lan egiten dituzten eta beraien esperientziak azaltzeko aukera izan dute.