Ohorezko saria Bizkaian ikastolen aldeko apustua egin zuten guraso aintzidarientzat

Unai Rementeria Bizkaiko Ahaldun Nagusiak gaur goizean Lauaxeta 2015 ohorezko saria eman die Bizkaian euskararen irakaskuntzaren aldeko apustua egin zuten guraso aitzindariei, eta beraien izenean Joseba Arrieta Txertudik eta Josu Meabe Mintegik jaso dute. Hil ondoko sari gisa, Sabin Zubiri eta Josune Zearra senar-emazteei eskaini zaie, euskara sustatu, zabaldu eta normaltzeko egin zuten ekarpen handiagatik. 

Sari hauen bitartez, euskara eta euskal kultura sustatu, zabaldu eta normaltzeko ahalegin berezia egin duten pertsonak, kolektiboak eta erakundeak publikoki aintzatesten dira. Esteban Urkiaga "Lauaxeta" idazlearen izena daukate, haren figura unibertsala aldarrikatzeko asmoz.