Aurretikoak

EUSKAL CURRICULUMAREN EGITASMOA

Ikastolen Elkartean lantzen ari garen hezkuntza eta curriculum proiektuak Euskal Curriculumaren proiektuan du abiapuntua, hots, Eusko Jaurlaritzaren Hezkuntza Sailak, Kristau Eskola elkarteko ikastetxeek, Sortzen-Ikasbatuaz taldekoek eta ikastolek lankidetza zabalean burutu zuten egitasmoan.

Egindako ikerketa-lanari esker, osotasun bat gorpuzten duten zenbait produktu ekoitzi ziren. Hain zuzen: Euskal Curriculuma: Kultur Ibilbidea. Herritik mundura eta mundutik herrira. Adituen ekarpena (2004); Derrigorrezko eskolaldirako euskal curriculuma. Oinarrizko txostena (2005); Derrigorrezko eskolaldirako euskal curriculuma. Euskal curriculuma baloratzeko eta hobetzeko proposamena (2006); Derrigorrezko eskolaldirako euskal curriculum espezifikoa: oinarrizkoa eta komuna (2008). Aipatu dokumentu horien osagarri, beste bi sortu ditu Ikastolen Elkarteak urte horietan egindako lanaren ondorioz: IKT Curriculuma. Lehen Hezkuntzarako proposamena eta Ikastolen Hizkuntza Proiektua, biak 2009an plazaratuak.