Ikastoletako Lan Hitzarmena berritzeko akordioa izenpetu dute

Gaur, abenduaren 4an, Ikastolen Etxean egindako azken bileraren ostean, izenpetu dute aldeek Araba, Bizkai eta Gipuzkoako Ikastoletako 2018 eta 2019ko Lan Hitzarmena berritzeko akordioa. Ikastolen Elkartearen eta gehiengo sindikalaren (LAB sindikatuaren) artean lortu da akordioa, urtebete luzez negoziatu eta gero, eta euren buruei zazpi hilabeteko epea eman diete Lan Hitzarmena guztiz berritzeko. Hori gauzatu bitartean, ordea, zenbait hobekuntza esanguratsu martxan egongo dira urtarril honetatik aurrera.