Gipuzkoako Bertso Idatzien Eskolartekoa 2025. 4., 5. eta 6. saioak
Guztira diren zortzi saioetatik seira ailegatu gara dagoeneko Gipuzkoako Bertso Idatzien Eskolartekoan; Villabonan, Errenterian eta Zumarragan gauzatu dira azken hirurok, parte-hartze handiarekin hirurak ere: 160 izan ziren Tolosaldekoan, 130 Oarso-Bidasoakoan eta 125 Goierrin jokatutakoan.
Behin bertsoa idatzita, ikasleek eurek izaten dute aukera zerbait prestatuta eraman eta bertan emateko beste ikasleen aurrean. Eta halaxe izan zen Zumarragako saioan: Lazkaoko San Benito ikastolako ikasleek, lau taldetan banatuta, kopla eta bertso zirikatzaileak kantatu zituzten entzuleen gozamenerako. Distira handiko emanaldia egin zuten.
Gainerakoan, hiru ekitaldietan egon ohiko bertso saioa, bertsolari gazteek emana. Villabonan Urko Arregik gidatuta kantatu zuten Xabat Illarregik eta Danel Herrartek; Errenterikoan Juanjo Respaldizak egin zituen gidari lanak eta Unai Gaztelumendi eta Urko Arregi izan ziren kantari; Zumarragakoan, ostera, Danel Herrarte gidari dela kantatu zuten June Aiestaranek eta Maddi Aiestaranek.
Bertso saioa amaituta, sari-banaketako atalera pasatu gara, eta mailaz maila honako hauek izan dira parte-hartzaile sarituak saio bakoitzean:
Saridunak Amasa-Villabona, 2025eko martxoaren 20a
LH 3, eta 4.a:
- saria: Zuriñe Barriola. Uzturpe ikastola, Ibarra
- saria: Ibane Insausti. Uzturpe ikastola, Ibarra
LH 5. eta 6.a:
- saria: Eñaut Landa. Zubimusu ikastola, Villabona
- saria: Paule Bergara. Fleming eskola, Villabona
DBH 1. eta 2.a:
- saria: Eñaut Otaño. Erniobea ikastetxea, Villabona
- saria: Nahia Garmendia. Uzturpe ikastola, Ibarra
Saridunak Errenteria, 2025eko martxoaren 21a
LH 3, eta 4.a:
- saria: Aiora Salaberria. Haurtzaro ikastola, Oiartzun
- saria: Aide Maya. Orereta ikastola, Errenteria
LH 5. eta 6.a:
- saria: Ekai Irazusta Ostolaza. Haurtzaro ikastola, Oiartzun
- saria: Elaia Lasa Gelbentzu. Haurtzaro ikastola, Oiartzun
DBH 1. eta 2.a:
- saria: Uxoa Arruabarrena. Haurtzaro ikastola, Oiartzun
- saria: Sara Ayllón. Haurtzaro ikastola, Oiartzun
Saridunak Zumarraga, 2025eko martxoaren 25a
LH 3, eta 4.a:
- saria: Haizea Agirre. Lardizabal ikastetxea, Zaldibia
- saria: Ana Sedano Landa. Urretxu-Zumarraga ikastola
LH 5. eta 6.a:
- saria: Sara Anton Gutierrez. San Benito ikastola, Lazkao
- saria: Eki Naldaiz Dorronsoro. San Benito ikastola, Lazkao
DBH 1. eta 2.a:
- saria: Lea Galparsoro Elias. Jakintza ikastola, Ordizia
- saria: Saioa Barandiaran. Jakintza ikastola, Ordizia